Këpucët

8 June, 2009

  womaninthewindow.jpg

Gruaja mbrrinte gjithmonë zbathur në takim. Burri qëndronte gjithmonë me kurriz, veshur me të njëjtën xhaketë të kadifenjtë. Ajo qëndronte disa çaste përpara tij, ndërsa ai kthehej ngadalë dhe i hidhte një nga ato vështrimet që vetëm ai dinte t’i dhuronte. Asaj i drithërohej çdo skutë e shpirtit dhe ndjente të kishte shume dritë përreth… por seç kishte një ndjenjë ankthi se mos ai ulte sytë dhe shikonte këmbët e saj, të zbathura.

Shqetësimi i saj ishte i pavend. Burri asnjëherë nuk i ulte sytë. Ai e shihte gruan drejt e në sy, me veshtrimin e ngrohtë, të papërsëritshëm… pa thënë asnjë fjalë…

Për çdo natë, ata të dy takoheshin në ëndër…

Çdo natë, me shputat e buta që nuk i vriteshin prej guriçkave, ajo endej rrugicave të shkreta me ecje somnaumbulje, për në takimin e saj, të dashurisë.

Për çdo natë, takimi ishte i parë…

Nuk mbathte këpucë. Kujtohej për to, vetem kur mbrrinte përpara tij, e frigohej si fëmijë se mos ai e vinte re këtë gjë.

Ajo ishte e aftë të ecte mbi parmakun e ballkonit të një ndërtese të lartë, shumë të lartë, dhe asnjëherë të mos rrezohej. Dinte ku të shkelte, pa u lënduar. Dukej se një forcë misterioze e drejtonte atë, në një jetë tjetër, paralel dhe krejt ndryshe, nga ajo që jetonte kur qe zgjuar.

Mëngjeseve, ajo niste përhumbur, rrugëtimin e saj, të përditshëm, nëpër botën me ngjyra të kursyera, në të cilën jetonte, jo per zgjedhje te saj. Mëngjeseve i mbathte këpucët. Këpucët e saj, të ngrëna, të përbaltura, me baltën e tharë, të ditës së mëparshme. I mbathte pa i pastruar më parë. I dukeshin të lodhura këpucët e saj. Në të vërtetë këpucët ishin paksa të vjetra por asaj i dukeshin më shumë të lodhura… të lodhura e të rraskapitura së renduri pas ëndrave të ditëve me diell që asnjëherë nuk mundi t’i prekë.

E kërkonte kudo njeriun misterioz, edhe pse nuk e dinte se në  ç’cep të planetit jetonte, ( nëse ai ekzistonte… padyshim që po, ndryshe nuk kishte si shpjegohej gjithë ajo dritë ). Ajo nuk e dinte përse ai i vinte për natë, në të njëjtën ëndër… Shpesh pyeste veten nëse drithërohej edhe ai kur e shihte të mbrrinte…

Të gjitha këto i mendonte gjatë ditës. Ditëve, ajo nuk kishte shumë për të bërë, përveçse të pëshpëriste lutjen e saj, të përhershme, që muzgu të binte shpejt. Nuk trishtohej për këtë… netëve kishte gjithçka… Netët, në të kundërt nga ditët, po tregoheshin ekstremisht bujare me të..

Në mbrëmje, përpara se të binte për të fjetur, ( përpara se te binte në ëndër ), rregullohej për një kohë të gjatë para pasqyrës, duke lëvizur kujdesshëm krehërin e vjetër mbi flokë, pastaj, mjaftonte të mbështeste pakëz kokën në jastëk e të mbyllte sytë… dhe kishte gjithë botën.

Deri atë natë, kur nuk mundi më të bjerë në gjumë…

Ajo mbyllte syte me forcë, por gjumi nuk donte të vinte. Zemra filloi t’i rrahë e shqetesuar… Ajo asnjëherë nuk kishte munguar në takim. Ai do shqetësohej. Mund të mendonte se ajo nuk e donte më. U përpëlit për një kohë të gjatë në shtrat, pastaj u ngrit, ndezi dritën, hodhi një triko krahëve dhe, duke u dridhur nga të ftohtët, doli të blejë ca kokrra valium në farmacinë më të afërt. Nuk donte kurrsesi të vonohej në takim. Ai po e priste.

U kthye nga farmacia dhe u rregullua sërish para pasqyrës. Edhe një herë, filloi të shpërndante nëpër fytyrë kremin e saj, të natës. Edhe një herë, limoi me krehër ondet e gështenjta… Ndëroi këmishën e natës dhe veshi më të mirën që kishte.

Ngutej. Buzëqeshja e tij, qiellore, po e priste ta ngrohte.

Ajo i piu të gjitha kokrrat e valiumit… dhe gjumi, ashtu siç shpresonte, nuk vonoi ta nanuriste.

Në takim mbrriti duke iu marrë fryma.

Ai qëndronte me kurriz, si gjithmonë, veshur me të njëjtën xheketë të kadifenjtë. U kthye nga ajo, me të njëjtin vështrim qiellor, dhe e morri në krahë. Ai asnjëherë nuk kishte guxuar kaq shumë, ai asnjëherë nuk e kishte marrë në krahë… dhe çuditërisht, për të parën herë, ajo nuk u frigua se ai do t’i shikonte këmbët e zbathura…

Mëngjesi trokiti ngadalë… ndërsa ajo… nuk u zgjua të mbathte këpucët e saj, të lodhura…

Nuk u zgjua më… kurrë…

Somnaumbulve nuk u duhen këpucë për të ndjekur ëndrat.

© Arlinda G.                Gazeta Shqiptare; Revista Milosao
Korrik, 2007..

Advertisements

9 Responses to “Këpucët”

  1. flokenaja Says:

    Falemidnerit eni 🙂

  2. Arza Says:

    Nji shkrim mjaft Filozofik i shkelqyer .
    Eshte pershkrimi me filozofik e romantik i Endres Shqiptare,i cili jeton larg e s’arrin te dal ,te prek vet Rralitetin > drejt Jetes se vertete , i mbetur gjithmon brenda saj ,somnambul, zbathur, e qe sdi te veshi ato kepuce te cilat do ta bente Shqiptarin te ecte / ngjitej atje asaj rruge , e cila do ta nxirrte ate , jashte ksaj gjendje Somnambule ne Rrealiet !

    “Ku jan kepucet ? qe do tme benin te dal jasht ksaj endre kaq te gjat” …….-do therrisja .
    Pershendetje qe na dhuron kenaqsi te tilla ,te pazakonta .

  3. Uncle Walt Says:

    Mire se te gjej Floknaje!

    Histori e trishte por e treguar kendshem qe te nxit ta lexosh me endje!!!

  4. flokenaja Says:

    Pershendetje arza, sa me pelqeu krahasimi yt me Endren Shqiptare, per ta vendosur tek theniet e dites, shume-shume, faleminderit, te them te drejten as qe ma merrte mendja qe do pelqehej kaq shum kjo pjese 🙂

    Uncle Walt- Dritan, mirese vjen ne blogun tim… faleminderit qe me lexon, je i mirepritur ketu … lexova disa nga poezite e tua,me pelqyen shuuuume, por do te te flas me gjate per to…

    Arlinda

  5. Arza Says:

    Flo… dua te bej nji kompliment thjesht si shenj pershendetje ,per kenasin e ndjesin qe me ka dhen kjo karakteristike,juaja ajo Force Romantike e shprehur qofte me shkrimet edhe me fotot e ilustruara ,si ph ai pozicioni me shikim nga dritarja ,gjithmon ne ate pritje … ah.. fantastike ciao.

  6. HenaBlu Says:

    Me pelqeu shume!

  7. flokenaja Says:

    henez ku je ti 🙂

  8. sirena e shpirtrave Says:

    shume mbreselenes…..


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: